Zawijany boczek parzony

SKŁADNIKI:

  • 1kg boczku surowego bez skóry i chrząstek
  • 3 ząbki czosku
  • sól peklowo: 10dkg na 1L wody
  • sznurek do obwiązanio bawełniany, ruby
  • termometr wyndliniarski

JAK ZROBIĆ?
  1. boczek umyć i rozciąć na ciynko ale tak coby był w całości na tzw. książka (tak żeby go szło fajnie zrolować)
  2. boczek zawijomy w rolada i obwiązujymy sznurkiym
  3. zawiniynty boczek bydymy peklować tzn dowomy go do naczynio ale niy za wielkigo, nojlepij takigo miarowego i zalywomy go solankom (10dkg soli peklowyj na 1L wody)
  4. do solanki dociepujymy czosnek ponacinay, wrażujymy do lodówki na conajmnij 4dni
  5. po tym czasie boczek wyciągomy i bydymy go parzić
  6. do garca wlywomy tela wody, co jak wrażymy boczek to bydzie łon przikryty (ale niy za dużo tyj wody)
  7. sama woda w garcu (bez boczku) trza zawarzić i jak zacznie wreć to wyłączomy kuchynka
  8. jak przestanie bulkać to wrażujymy boczek
  9. tera nasze zadanie to je sprawdzanie tymperatury w garcy, trza wachować żeby miała ona +/- 80oC
  10. boczek parzymy tak długo aż w środku jak wrażymy do niego termometer bydzie mioł 65oC
  11. po tym czasie wyciągomy poczek i drapko wrażujymy do lodowatyj wody żeby sie zachartowoł
  12. zostawiomy do wychłodniyńcio, wrażujymy do lodówki żeby wytynknoł i idzie kroć na sznita