{jcomments on}

Ciasto Śniegowiec

SKŁADNIKI NA CIASTO:

 

  • 5 jajec
  • 20dkg cukru
  • 5 łyżek wody
  • 16dkg mąki
  • kakao
  • proszek do pieczynio

SKŁADNIKI NA MASA:
  • 0,5L mlyka
  • 5 żółtek
  • 12dkg cukru
  • 4 łyżeczki mąki kartoflanyj
  • 25dkg masła

SKŁADNIKI NA PIANA:
  • 5 biołtek
  • 20dkg cukru
  • 1 łyżeczka kwasku cytrynowego

JAK ZROBIĆ?
  1. najpiyrw trza upiyc biszkopt - biołtka oddzielić od żółtek, biołtka ubijać na sztywno, dodować cukier i ubijać, dodować żółtka i ubijać, mąka wymiyszać z proszkiym do pieczynio i kakałym i poleku dodować do ciasta - to już miyszać łyżkom tak coby napowietrzyć ciasto
  2. w razie potrzeby jak ciasto je fest gynste dodać pora łyżek wody z przepisu
  3. wyłożyć blaszka (32x21) papiórym do pieczynio, wyloć ciasto, wrazić do nagrzotego do 180oC i piyc ok 50 minut
  4. jak sie biszkopt piecze to trza uwarzić budyń - oddzielić żółtka od biołtek, biołtka zostawić na piana
  5. z 0,5l mlyka odlywomy 3/4 szolki i w tym rozpuszczomy mąka kartoflano i fyrlomy żółtka
  6. do reszty mlyka w garcu wsuwomy cukier i warzymy
  7. jak sie zacznie warzić, poleku wlywać miyszanka żółtek i mąki - cołki czos miyszać coby sie grudki niy zrobiły, trzimać na małym łogniu aż zgynstnieje i  odstawić do wychłodniyńcio
  8. upieczone i wychłodniynte ciasto przekrowomy na 2 ciyńsze blaty i ponczujymy wodom z cytrynom
  9. wychłodniynty budyń uciyromy z masłym na krym - do miski wciepujymy masło niy za twarde ale tyż niy fest miynkie i zaczynomy uciyrać dodowajonc po łyżce budyniu, masa mo być puszysto i bez grudek - wykłodomy na dolny blat a drugim przikrywomy
  10. rychtujymy piana kero bydzie na samym wiyrchu - bydzie ubijano na parze
  11. rychtujymy garniec taki, że na niego narazić miska w keryj bydymy ubijać piana
  12. do garca wlywomy tela wody, żeby miska niy była w tyj wodzie zamoczono i warzymy woda
  13. na początek biołtka ubijomy w misce na blacie - do miski wciepujymy biołtka i ubijomy na sztywno piana, cukier miyszomy z kwaskiym cytrynowym i poleku dodowomy do ubijanych biołtek
  14. jak wszystko juz je fajnie ubite i wybiyszane, miska stawiomy na garcu nad parą i tak długo ubijomy, aż piana bydzie ciepło
  15. tako ciepło piana wykłodomy na wiyrchu ciasta
WSKAZÓWKA: jak piana ochłodnie to idzie jom prziozdobić czekuladom startom