SKŁADNIKI:

Składniki na sos główny:

• ok 700g łopatki wieprzowyj (może być już mloto)
• 2 średnie cebule - ok. 200g
• 6 wiynkszych ząbków czosku
• 200g pieczarek
• szolka przeciyru pomidorowego - ok 330g - swojski przeciyr - PRZEPIS
• 200g koncyntratu pomidorowego
• płasko łyżka majeranku
• płasko łyżka ziół prowansalskich
• płasko łyżeczka soli
• płasko łyżeczka pieprzu
• płasko łyżeczka słodkij papryki
• olyj do smażynio

Składniki na sos bioły na wiyrch:

• 100g słodkij śmietonki 30% - mynij jak pół szklonki
• 1/3 szolki mlyka
• płasko łyżeczka słodkij papryki

Reszta produktów:

• 12 płatów nudli (makaronu) suchych do lazanii (215g) - swojskie nudle - PRZEPIS
• 250g syra mozzarella - żółtego, niy z zalywy
• 250g syra żółtego

JAK ZROBIĆ?

1. miynso zemleć w maszynce na średnich łoczkach (chyba że mocie mlote)
2. do miynsa dodowomy sól, pieprz, słodko papryka, majeranek i zioła prowansalskie - dokładnie miyszomy i odstawiomy na bok
3. cebula krejymy w drobno kosteczka, czosnek przeciskomy przez preska, pieczarki czyszczymy i krejymy na drobne konski
4. na tyglu zagrzywomy ze 4 łyżki oleju i smażymy cebula, czosnek i pieczarki - cebula mo sie ino zeszklić
5. dociepujymy miynso z prziprawami, smażymy i miyszomy tak długo aż miynso zblednie
6. dodowomyprzeciyr i koncyntrat, miyszomy i duszymy przez ok 2minuty - nasz sos je fertig
7. syr żółty i mozzarella trzymy na wielkich łoczkach i miyszomy
8. forma abo naczynie żaroodporne smarujymy olejym
9. płaty nudli trzeba lekko zmiynkczyć, w tyglu warzymy woda i tonkomy na chwila tela płatków nudli wiela potrzebujymy na warstwa w lazanii, delikatnie wyciągomy i ukłodomy w naczyniu do zapiekania
10. sos główny z miynsym dzielymy na 3 czynści i 1/3 ukłodomy na nudlach
11. miyszanka syrów dzielymy na 4 czynści i 1/4 ukłodomy na soscie z miynsym
12. powtarzomy czynności: nudle, sos z miynsym, syr, nudle, sos z miynsym syr i na koniec dowomy nudle i reszta syra
13. miyszomy śmietonka, mlyko i słodko papryka i wylywomy na ostatnio warstwa syra
14. wrażujymy do nagrzotego do 180^oC piekarnika na środkowo półka i piekymy +/- 50minut

• nudle
• 1/3 sosu głównego z miynsym
• 1/4 miyszanki syrów
• nudle
• 1/3 sosu głównego z miynsym
• 1/4 miyszanki syrów
• nudle
• 1/3 sosu głównego z miynsym
• 1/4 miyszanki syrów
• nudle
• 1/4 miyszanki syrów
• sos bioły