SKŁADNIKI:

• 200-250g biołego syra
• 1 biksa tuńczyka we sosie własnym
• 1 średnio cebula
• pynczek koperku
• majonez abo jogurt naturalny
• sól i pieprz

JAK ZROBIĆ?

1. Tuńczyka trza łodcedzić na cedzitku, łostawić na chwilka co łokapnie.
2. Bioły syr pogniyś widełkom, czym bardzij pognieciecie tym pasta bydzie bardzij gładko (idzie sie tyż twaróg zemleć we maszynce do miynsa abo przeciś przez presa do kartofli)
3. Cebula drobniutko posiekać nożym i to samo zrobić ze koperkiym, potrzebujymy tak wele 3 łyżki koperku.
4. Wszysko razym dokładnie miyszomy, dodowomy majonez tak wele 2 łyżki abo idzie tyż zamias majonezu dać jogurt naturalny typu greckigo. Dodanie jogurtu sprawi, że nasza pasta bydzie bardzij dietetyczno a na pewno niy straci na smaku.
   
5. Tera styknie ino jeszcze dać trocha soli i pieprzu, wymiyszać i już idzie sie jom fajnie dać na sznita