Pierogi z kapustą i grzibami

SKŁADNIKI NA FARSZ:

  • 100g grzibów suszonych
  • ok 0,5Lwody
  • 500g kapusty kiszonyj
  • 1 marekwia
  • 0,5 pietruszki
  • 2 cebule
  • oliwa
  • ok 50g masła
  • sól, pieprz, cukier

SKŁADNIKI NA CIASTO:
  • 550g mąki pszynnyj
  • 30g oliwy
  • ok 300ml ciepłyj wody

JAK ZROBIĆ?
  1. na początek rychtujymy filong - suszone grziby zalywomy ok 0,5L wody i zostawiomy na ok 30minut (max 1h)
  2. cebula siekomy, marekwia i pietruszka obiyromy i krejymy na drobno kostka, kapusta jak je fest kwaśno to delikatnie płuczymy, odsączomy i siekomy na drobniejsze
  3. do garca wciepujymy kapusta, odsączone grziby (wody niy wykywomy), marekwia i pietruszka - całośc duszymy lekko podlywając wodom z grzibów jakieś 40min, w tym czasie podsmażomy cebulka na oliwie i dociepujymy do całości
  4. duszymy jeszcze jakieś 20-15min, doprawiomy solom, pieprzym i delikatnie cukrym
  5. odstawiomy do przechłodniyńcio i rychtujymy w tym czasie ciasto miyszając wszystkie składniki na ciasto
  6. na stolnica wysuwomy trocha mąki, wałkujymy ciasto na ok 2mm, wykrowomy kołka, w środek dowomy farsz i dokładnie zaklejomy
  7. pierogi warzymy w osolonyj wodzie, jak wyplynom to tak jeszcze ze 3min

WSKAZÓWKA: coby se pierogi zamrozić to styknie je zblanszować czyli krótko zatonkać we wrzącyj wodzie, ok 30sekund, ułożyć na wysmarowano olejym blaszka, poczekać aż ochłodnom i na tyj blaszce zamrozić żeby sie niy sklejały, jak sie trocha zmrożom to idzie przełożyć do bojtlika (woreczka)