SKŁADNIKI:

na ciasto:

• 280g mąki tortowyj
• 300g bani (dyni) - już bez skóry
• 3 jajca
• 140g cukru
• 200ml łoleju
• łyżeczka proszku do pieczynio
• łyżeczka sody
• łyżeczka cynamonu
• szczypta soli

na krym:

• 250g syrka mascarpone
• 1 galaretka pomarańczowo
• 1 szolka wrzątku
• 1 szolka śmietanki 30%
• 2 łyżki cukru
• opakowanie Śnieżki w proszku (60g)

JAK ZROBIĆ?

1. śmietonka trzimać w lodówce coby sie lepij ubiła a jajca w tymperaturze pokojowyj
2. bania zetrzić na małych łoczkach
3. w misce wymiyszać mąka, cynamon, proszek do pieczynio, soda i sól
4. w drugij misce ubić jajca z cukrym, potym poleku wlywać łolyj i wymiyszać na najniższych obrotach miksera
5. do masy delikatnie dodać miąższ z banie i leko zamiyszać, wsuć mąka i reszta składników i dobrze wymiyszać łyżkom
6. forma wyłożyć papiórym, wloć ciasto i wrazić do nagrzotego do 180^oC piekarnika na ok 40min
7. galaretka zaloć wrzątkiym, rozmiyszać i łodstawić do wychłodniyńcio
8. jak wychłodnie dodać syrek mascarpone i wymiyszać
9. w osobnyj misce ubić śmietonka na sztywno z 2 łyżkami cukru i śnieżkom
10. wychłodniynte ciasto przekroć w 2/3 wysokości, spodek wrazić nazot do blachy a wiyrch pokruszyć na miska
11. śmietonka wymiyszać z syrkiym i galaretkom i wyłożyć na ciasto
12. na wiyrch dać pokruszony wiyrch ciasta i wrazić do lodówki na conajmnij 3h a nojlepij na cołko noc

WSKAZÓWKA: ciasto na tortownica o średnicy 25cm, nojlepij użyć bania muscat, hokkaido abo piżmowo (bania zwyczajno je jaśniejszo)