Makrela z piekarnika

SKŁADNIKI:

  • makrela surowo
  • masło
  • 1 zombek czosku
  • 1 cebula
  • pół pynczka natki pietruszki
  • prziprawy: suszone pomidory, pieprz, pieprz cytrynowy, czosnek niedzwiedzi, sól

JAK ZROBIĆ?
  1. ryba umyć, odciońć głowa i płetwy a potym osuszyć papiorzanym ryncznikiym
  2. Z jednyj strony naciońć skóra w poprzyk, cołko ryba posolić i z wiyrchu i w środku.
  3. Posuć prziprawami według upodobań.
  4. Cebula pociońć we piórka a czosnek w plastry, cebula i czosnek wrazić do środka ryby.
  5. Do środka wrazić tyż zielono pietruszka.
  6. Tak przirychtowano ryba wrażujymy do lodówki nojlepij na kilka godzin
  7. Po wyciongniynciu ze lodówki usunońć ze środka i cebula i czosnek ale pietruszka łostawić.
  8. Idzie jeszcze dodać do środka trocha masła, masło tyż pokrote we plasterki wrażujymy do naciyńć na skórze kiere sami my zrobili.
  9. Tera do naczynio żaroodpornego abo na blacha wrażujymy papiór do pieczynio, na nim kładymy ryba, cebula kiero my wyciongli ze srodka i łobsuwomy makrela w koło.
  10. Naczynie przikrywomy a jak ni mocie dekla to idzie tyż to zrobić abo papiorym abo foliom aluminiowom.
  11. Ryba wrażujymy do nagrzotego do 180oC piekarnika na ok. 30 minut a potym odkrywomy i piekymy do zarumiyniynio