SKŁADNIKI:

• 10 jajec
• pół cebuli
• jedyn krótki wuszt np ślonsko
• pół pynczka sznitlochu
• margarina abo masło do smażynio

JAK ZROBIĆ?

1. Cebulka i wuszt krejymy we kosteczka a sznitloch siekomy.
2. Tłuszcz rozpuszczomy we tygliku i piyrsze wciepujymy cebulka - Smażymy na złoty kolor,
   
3. Potym wciepujymy wuszt i przismażomy. (Dowejcie pozór coby wuszt sie za fest niy przismażił, bo bydzie twardy a smażonka je raczyj miynkim posiłkiym)
4. Jajca nojlepij umyć pod letniom, bieżoncom wodom i wbić je do asjetki, (momy wtedy kontrola nad tym coby do tygla nie wciepać szupów ze jajec)
5. Jajca leko solymy i magujymy i takie cołkie wlywom i dopiyro na tyglu energicznie miyszom.
   
6. Jak smażonka jest jeszcze płynno dodowomy sznitloch i tak długo trzimiymy na łogniu aż konsystyncja smażonki bydzie Wom odpowiadać.
   
7. I tukej je dowolność i Wasze upodobanie. Moja smażonka je tako półmiynko. Jak nabiera na łyżka, dźwigna do góry i chca ściepać to łona tak delikatnie sie odrywo i zlatuje. Na to ni ma reguły, sami musicie wybadać jako Wom nojlepij odpowiado.
   
8. Na som koniec jeszcze doprawiom solom i pieprzym