{jcomments on}

Żeberka w sosie własnym

SKŁADNIKI:

  • 1 kg żeberek
  • 3-4 ząbki czosku
  • cebula
  • prziprawa do żeberek abo czerwono papryka i majeranek
  • margarina do smażynio
  • mąka do obkulanio żeberek
  • sól, pieprz


JAK ZROBIĆ?

  1. żeberka nojlepij dziyń pryndzyj dać do solanki (1łyżka soli na 1L wody)
  2. jak ni mocie możliwości trzimać żeberek w solance to przed smażyniym trza je dobrze natrzić solom i wrazić do lodówki chocioż na 1h
  3. żeberka wyciągomy z solanki i osuszomy ryncznikiym papiórowym, solymy po wiyrchu, pieprzymy i obsuwomy prziprawom
  4. czosnek przeciskomy przez preska i wciyromy w miynso
  5. rozgrzywomy na tyglu tłuszcz i kożde żeberko kulomy w mące i smażymy z kożdyj strony na złoty kolor
  6. cebula krejymy we piórka i dodowomy do żeberek
  7. jak cebula nabiere fajnego koloru wlywomy do tygla tela wody, żeby nasze żeberka były przikryte do połowy wysokości
  8. przikrywomy tygiel deklym i duszymy ok 1,5h
  9. cołko potrawa je fertig jak żeberka dom miynkie a zołza gynsto
  10. jak woda za szybko paruje to jom trza uzupełniać


WSKAZÓWKA: jak mocie szybkowar to styknie te żeberka dusić ok 20minut