SKŁADNIKI:

• 1 gynś (gęś)
• wielko płonka (jabłko) abo 2 mniyjsze
• sól
• majeranek
• masło

JAK ZROBIĆ?

1. gynś myjymy, wykrowomy tłuszcz, solymy porządnie z kożdyj strony (po wiyrchu i we środku) - zostawiomy we lodówce na cołko noc
2. na drugi dziyń gynś dowomy do naczynia żaroodpornego abo brytfanki, jabka przekrowomy na pół, wyciepujymy gniozda nasiynne i takie połówki wrażujymy do gynsi, na spodek dowomy masło
3. gynś posypujymy majerankiym, przikrywomy naczynie deklym i wciepujymy do 220 piekarnika na 1h
4. po 1h zmniyjszomy tymperatura do 180 i piekymy według zasady 1h na 1kg gynsi minus ta godzina co sie piykła w 220

WSKAZÓWKA: fet wyciynty z gynsi idzie sie przetopić i używać do smażynio miynsa, płonki dowo sie po to coby gynś była soczysto i niy wyschła a idzie je tyż potym zjeś bo som bardzo dobre

UWAGA: Na zdjyńciach je pół gynsi, skuli tego płonki położone som na spodku naczynio żaroodpornego