Sałatka meksykańsko

SKŁADNIKI:

  • 0,5kg fileta z kurczaka
  • 1 czerwono cebula
  • 1 biksa czerwonyj fandzoli
  • 10-15 tomatków koktajlowych
  • 1 biksa konserwowyj kukurydzy
  • 1 sałata lodowo
  • 3-4 łogórki konserwowe
  • 1 ząbek czosku
  • przeciyr pomidorowy
  • majonez
  • prziprawy: prziprawa do kurczaka, słodko papryka, sól i pieprz
  • naczosy
  • olyj do smażynio


JAK ZROBIĆ?
  1. krejymy kurczaka w kostka ok 1-1,5cm, wciepujymy do miski razym z przeciśniyntym przez preska czoskiym i prziprawom do kurczaka - miyszomy i zostawiomy na chwila żeby sie "przegryzło"
  2. cebula krejymy w kosteczka, do osobnyj asyjetki dowomy ze 3-4 łyżki przeciyru i łyżeczka czerwonyj słodkij papryki
  3. na tyglik wlywomy trocha oleju i smażymy cebulka do zeszklynio, dociepujymy kurczaka i przesmażomy delikatnie tak żeby ino niy był surowy, dociepujymy przeciyr z suszonom paprykom i jeszcze chwila to muszymy bulknąć, zostawiomy do przechłodniyńcio
  4. fandzola i kukurydza odcedzomy ale osobno
  5. tomatki koktajlowe krejymy na ćwiartki
  6. ogórki krejymy w kosteczka
  7. sałata lodowo siekomy na miyńsze konski
  8. w szklanyj asyjetce bydymy ukłodać warstwowo sałatka: na samo dno połowa posiekanyj sałaty lodowyj, wszystkie tomaty, kukurydza, kurczak, ogórki, fandzola i drugo połowa sałaty lodowyj
  9. na wiyrch rychtujymy majonez kery trocha trza posolić i popieprzyć - wylywomy
  10. tak przirychtowano sałatka wrażujymy do lodówki i przed samym podaniym kruszymy na wiyrch naczosy, idzie sie tyż powstyrkiwać naokoło w misce takie naczosy w całości