Roladki schabowe ze szpinakiym

SKŁADNIKI:

  • 6 kotletów wieprzowych
  • pieprz i sól
  • 150g szpinaku w liściach
  • 200g syra mozzarella ewyntualnie żółty syr
  • suszone tomaty w oliwie (pomidory)
  • natka pietruszki
  • do panierowanio bułka tarto i jajco

JAK ZROBIĆ?
  1. kotlety trza roztrzaskać tak jak na schabowe a nawet trocha ciynij żeby sie dobrze zawijały, oprószyć solom i pieprzym z obu stron
  2. szpinak opłukać i przesuszyć
  3. na tygiel wloć pora łyżek tyj oliwy z tomatów, dobrze zagrzoć i wciepać osuszony szpinak
  4. szpinak lekko przesmażomy tak żeby "zwiyndnoł"
  5. zanim sie szpinak ochłodzi to rychujymy reszta farszu tzn. tomaty z krałzki drobno krejymy, syr w drobno kosteczka, natka pietruszki siekomy
  6. farsz miyszomy w asyjetce i dzielymy na 6 kotletów
  7. tera zabiyromy sie za filowanie tzn. 1/6 liści szpinaku wykłodomy na kotlet, dokłodomy 1/6 farszu i dokładnie zawijomy
  8. jak momy wszystkie roladki zawiniynte to panierujymy w jajcu i w bułce tartyj
  9. smażymy z kożdyj strony na złoty kolor