Garniec cygański

SKŁADNIKI:

  • ok 80dkg łopatki
  • 3 cebule
  • 3 ząbki czosku
  • 1kg tomatów (pomidorów)
  • 3 papryki (mogom być różnokolorowe)
  • 0,5kg pieczarek
  • 1 łyżeczka słodkij papryki
  • 2 łyżeczki majeranku
  • 2 łyżeczki koncyntratu pomidorowego
  • sól i pieprz
JAK ZROBIĆ?
  1. miynso krejymy na kostka jak do gulaszu, wciepujymy do miski i dociepujymy papryka słodko, majeranek, sól i pieprz, dokłądnie miyszomy i łostawiomy na chwila żeby sie przegryzło
  2. rozgrzywomy na tyglu tłuszcz i partiami obsmażomy miynso i wciepujymy do wielkigo garca, takigo w kerym bydymy warzić cołkie danie
  3. cebula krejymy w kostka a czosnek w plasterki
  4. przesmażomy cebula i jak już je lekko szklisto to dociepujymy czosnek i razym chwila przesmażomy i dociepujymy do garca
  5. tomaty myjymy i krejymy w kostka (idzie sie obrać skóra ale ni ma takij potrzeby) dociepujymy do garca
  6. do garca dolywomy trocha wody i warzymy na małym łogniu tak długo aż sie tomaty rozlecom
  7. tera dodowomy pokrote w plasterki pieczarki i warzymy tak długo aż miynso bydzie miynkie
  8. papryka oczyszczomy, krejymy w kosteczka i jak miynso bydzie miynkie to dodowomy do całości
  9. warzymy tak długo aż papryka zmiynknie
  10. na koniec dodowomy koncyntrat, czekomy aż bulknie i doprawiomy jeszcze solom i pieprzym