{jcomments on}

Ciasto Kinder Country

SKŁADNIKI:

 

  • 250g syrka mascarpone
  • 250g śmietonki 30%
  • pół szolki mlyka w proszku
  • 1 galaretka cytrynowo
  • szolka wrzątku
  • ok 80g pszynicy preparowanyj
  • 2 mlyczne szekulady
  • 100g śmietonki 30% na polywa
  • herbatniki

JAK ZROBIĆ?
  1. wsuwomy galaertka do naczynio, zalywomy wrzątkiym, fyrlomy tak długo aż niy bydzie grudek i zostawiomy to przechłodniyńcio (ale żeby niy zaczła tynżeć!)
  2. forma (24x24) wykłodomy papiórym do pieczynio i na spodek ukłodomy herbatniki
  3. do wiynkszyj miski wciepujymy syrek mascarpone, mlyko w proszku i wlywomy chłodno galaretka - miksujymy na rzodki, gładki krym
  4. do drugigo naczynio wlywomy schłodzono śmietonka i ubijomy pora minut aż zgynstnieje
  5. ubito śmietonka wlywomy do gynstniejącyj masy z galaretkom i miksujymy chwila do połączynio składników
  6. do masy wciepujymy pszynica ale niy cało! zostawiomy z pół szolki do ozdoby ciasta
  7. cołko masa miyszomy łyżkom i wykłodomy na herbatniki i wrażujymy do lodówki
  8. tera rychtujymy polywa, 100g śmietonki wlywomy do tyglika, dodowomy pokruszono szekulada, podgrzywomy i miyszomy do rozpuszczynio
  9. trocha herbatników pokruszyń, wysypać na stynżało masa a na pokruszone herbatniki wylywomy chłodno polywa szekuladowo
  10. na wiyrch wysuwomy reszta pszynicy preparowanyj