Zupa sznitlochowo

SKŁADNIKI:

 

  • 3 pynczki świyżego sznitocha (szczypiorku)
  • 1,5L bulionu abo rosołu z niedziele
  • 4 kartofle
  • 2 wiynksze marekwie
  • konsek selera
  • cebula
  • 0,5 szolki śmietany 12%
  • olyj do smażynio
  • sól i pieprz
  • ewyntualnie jajca do dekoracji

JAK ZROBIĆ?
  1. cebula siekomy na drobno, rozrzywomy na patelce trocha oleju i przismażomy cebulka żeby było szklisto
  2. kartofle obiyromy i krejymy w kosteczka
  3. marekwia obiyromy i krejymy w półplasterki
  4. kartofle i marekwia dociepujymy do smażącyj sie cebule i wszystko razym podsmażomy
  5. sznitloch siekomy na drobno i po chwili dociepujymy na tygiel - delikatnie smażymy na małym łogniu
  6. do garca wlywomy bulion abo rosół, wciepujymy pokroty w kostka seler i podsmażono reszta jarzin z tyglika
  7. wszystko zawarzujymy i trzimiymy na łogniu aż wszystko bydzie miynkie
  8. zupa jeszcze trza zakłócić śmietanom ale niy zapomnijcie jom zahartować bezto odlywomy trocha gorkij zupy do małego gorczka kaj momy śmietana i miyszomy aż niy bydzie grudek, potym wlywomy do zupy
  9. zupa je fertig ale tyż dobrze smakuje z uwarzobymi na twardo jajcami