zaczynomy od oprawiyni schabu tzn myjymy go w letnij wodzie i oczyszczomy z błanek i tłuszczu, zostawiomy czysty schab
tak przirychtowany schab tonkomy w solance w proporcji 1l wody i 2 łyżki soli i wrażujymy na 24h do lodówki
po tym czasie wyciągomy, osuszomy ryncznikiym papiórowym
z podanych przipraw rychtujymy miyszanka czyli sól, majeranek, czosnek, obie papryki, pieprz i tymianek/rozmaryn miyszomy ze soba i obsupyjymy schab z kożdyj strony, zawijomy w folia spożywczo ściśle i wrażujymy do lodówki na cołko noc
rano wyciągomy miynso z lodówki, odwijomy z folii i zostawiomy w tymperaturze pokojowyj na conajmnij godzina
rychtujymy taki garniec co nom sie tam schab zmieści i zużyjymy jak nojmynij mlyka do warzynio
do tego garca wlywomy mlyko, wciepujymy listek i ziele i 1 łyżeczka soli
zawarzujymy mlyko i do warzącego sie mlyka wkłodomy schab, czekomy aż zacznie bulkać i warzymy go tak ze 30minut, po tym czasie wyłączomy palnik, przikrywomy garniec deklym i zostawiomy go jeszcze driny na ok 1 godzina
po tym czasie wyciągomy schab, osuszomy, czekomy aż blank ochłodnie i wrażujymy do lodówki co wytyngnie