Sałatka ze śledzi z biksy

SKŁADNIKI:

  • 2 biksy śledzi w oleju
  • 7 jajec
  • 1 czerwono cebula
  • 2 ogórki kiszone doś wielkie
  • 1/3 szoki groszku konserwowego
  • majonez
  • sól i pieprz do smaku

JAK ZROBIĆ?
  1. jajca warzymy na twardo
  2. śledzie (bez oleju) dowomy do miski i rozgniatomy widelcym
  3. jajca krejymy na kosteczka i dodowomy do śledzi
  4. ogórki kiszone krejymy w drobno kosteczka i dodowomy do miski
  5. cebula obiyromy i drobno siekomy - dodowomy do miski
  6. odcedzony groszek tyż dociepujymy do całości
  7. wszystko dokładnie miyszomy, dodowomy majonez (wedle upodobań), doprawiomy do smaku
  8. odstawiomy do lodówki na conajmnij godzina żeby smaki sie przegryzły