Sałatka warstwowo ze kurczakiym i słonecznikiym

SKŁADNIKI:

 

  • 0,5kg fileta z kurczaka
  • 5 jajec
  • 1 czyrwono cebula
  • 150g syra żółtego
  • 50g słonecznika łuskanego
  • ok 250g tomatów koktajlowych
  • prziprawy: curry, sól, pieprz
  • majonez
  • olyj do smażynio
  • zielono pietruszka do ozdoby

JAK ZROBIĆ?
  1. filet z kurczaka krejymy w kostka i miyszomy z 1 łyżeczkom prziprawy curry i pół łyżeczkom soli - odstawiomy na ok 30min tak żeby miynso przeszło prziprawami
  2. w miyndzyczasie warzymy jajca na twardo
  3. cebula siekomy na drobno
  4. słonecznik prażymy tzn. rozgrzywomy tyglik bez tłuszczu i na rozgrzoty suchy tyglik wsypujymy słonecznik - prażymy na wolnym łogniu do uzyskanio delikatnego koloru - przesypujymy do asyjetki i zostawiomy do wychłodniyńcio
  5. na tyglu tera rozgrzywomy łolyj i wciepujymy pokrotego i prziprawionego kurczaka - smażymy tak długo żeby miynso niy było surowe ale tyż żeby za fest sie niy przipiykło bo bydzie suche - zostawiomy do wychłodniyńcio
  6. zabiyromy sie za ukłodanie składników do przeźroczystyj miski - na som dół ściyromy na tarce uwarzone jajca (mogymy pokroć w drobno kostka), na jajca dowomy trocha majonezu i równo rozprowadzomy, tera wykłodomy kurczaka, tera drobno posiekano cebula i na cebula zaś smarujymy majonezym, nastympno warstwa to prażony słonecznik a na słonecznik wykłodomy potarty żółty syr, na syr majonez a na majonez ukłodomy przekrote na pół tomaty koktajlowe, przekrotom czyńściom na spodek
  7. tomaty solymy i pieprzymy a całość po wiyrchu ozdabiomy zielonom natkom pietruszki