Sałatka jarzinowo

SKŁADNIKI:

  • 0,5kg marekwi
  • 0,5kg czerwonyj cebuli
  • 1 biksa groszku konserwowego
  • 6 jajec
  • natka pietruszki
  • zymft (musztarda)
  • majonez
  • sól i pieprz
  • ocet

JAK ZROBIĆ?
  1. marekwia obiyromy i warzymy w lekko osolonyj wodzie do miynkości
  2. jajca warzymy na twardo
  3. do gorczka wlywomy 3/4 szolki wody i 1/4 szolki łoctu, delikatnie solymy i zawarzujymy a w tym czasie obiyromy cebula i krejymy w piórka, jak woda z łoctym bydzie sie warzić to wciepujymy cebula i warzymy jom do miynkości
  4. groszek odcedzomy z zalywy
  5. cołko uwarzono gymiza zostawiomy do wychłodniyńcio i jak bydzie zimno - marekwia i jajca krejymy w kosteczka tako jak do kartofelzalatu
  6. pokrote składniki wciepujymy do miski, do miski dodowomy tyż odcedzono i wychłodniynto cebula i groszek odcedzony
  7. natka pietruszki myjymy i drobno siekomy
  8. w osobnym naczyniu miyszomy 1 łyżka zymftu, 3 łyżki majonezu i dodowomy do sałatki
  9. całość miyszomy i doprawiomy do smaku solom i pieprzym
  10. gotowo sałatka wrażujymy do lodówki na pora godzin żeby sie smaki przegryzły