Podudzia z kurczaka pieczone na kapuście

SKŁADNIKI:

 

  • 10szt podudzi czyli pałek z kurczaka
  • 1kg kiszonyj kapusty
  • 1 cebula
  • 1 szolka śmietany 18%
  • 1 łyżka mąki
  • sól, pieprz, majeranek, papryka słodko
  • olyj

JAK ZROBIĆ?
  1. rychtujymy marynata tzn. do asyjetki dowomy ze 4 łyżki oleju, pół łyżeczki soli, ćwierć łyżeczki pieprzu, łyżeczka papryki i łyżeczka majeranku - miyszomy i odstawiomy żeby sie przegryzło
  2. pałki kurczaka myjymy i osuszomy ryncznikiym papiórowym - naciyromy marynatom i odstawiomy na chwila
  3. jak kapusta je fest kwaśno to trza jom opłukać
  4. cebula krejymy we piórka i miyszomy z kapustom
  5. naczynie żaroodporne smarujymy olejym i ukłodomy na dno naczynia kapusta z cebulom (niy za rubo bo sie niy upiecze)
  6. na kapuście ukłodomy pałki na przemian, całość przikrywomy foliom aluminiowom i wrażujymy do nagrzotego piekarnika do 180oC na ok 1h
  7. po tym czasie wyciągomy pałki z piekarnika, śmietana miyszomy z mąką i dodowomy trocha soli i pieprzu i polywomy równomiernie kurczaka
  8. wkłodomy nazot do piekarnik ale już bez przikrywanio i piekymy jeszcze z 20minut aż śmietana sie zarumiyni