Krupniok z grila

SKŁADNIKI:

  • 4 krupnioki
  • 1 cebula
  • boczek wyndzony
  • sól i pieprz

JAK ZROBIĆ? - 1 sposób w aluminiowyj keksówce
  1. łobiyromy krupnioki ze szczewa
  2. połowa krupnioków wciepujymy do formy i dociskomy je widełkom do dna żeby luftu niy było
  3. boczek krejymy na kostka i posypujymy krupnioki po wiyrchu
  4. wykłodomy drugo połowa krupnioków
  5. krejymy cebula w piórka i wykłodomy na wiyrch do forymki
  6. całość przikrywomy deklym (jak je w zestawie to fajnie a jak ni ma to robiymy go z folii aluminiowyj)
  7. kładymy forma na grilu i najpiyrw trzimiymy trocha wyżyj żeby sie krupnioki zaro niy spoliły ino zaczły w środku podgrzywać
  8. krupniok je dobry jak sie zrobi taki ciumniyjszy a cebula z wiyrchu zeszklono

JAK ZROBIĆ? - 2 sposób zawijanie w folia
  1. urywomy se konski folii takie żeby sie zmieścił krupniok i dodatki
  2. krupnioki osobno kładymy na konskach folii, krupnioki zostawiomy w szczewach
  3. obkłodomy boczkiym pokrotym w kosteczka i cebulom pokrotom w piórka
  4. końce folii podnoszymy i zwijomy doś szczelnieale tak żeby niy przeciepować krupniokiym
  5. pamiyntejcie żeby boki folii tyż prziwinońć żeby zoft z krupnioka niy uciyk do łognia
  6. grilujymy tak długo aż skórka na krupnioku bydzie chrupionco