Kartofle z tygla z jajcami, śmietonkom i ziołami

SKŁADNIKI:

 

  • 3 wielkie kartofle
  • 3 ząbki czosku
  • 4 jajca
  • 1 tomata
  • sznitloch abo szczypior ze cebule
  • koperek
  • 200g śmietonki
  • sól, liść laurowy
  • olyj

JAK ZROBIĆ?
  1. kartofle obiyromy i krejymy w plastry ok 0,5cm grubości, płuczymy w zimnyj wodzie i zostawiomy do okapniyńcio
  2. jak kartofle bydom obsychać to my rychtujymy wonioncy olyj tzn. na tygiel wlywomy ok 0,5cm oleju, rozgrzywomy go na średnim łogniu tak, coby sie niy spolił. dodowomy pokroty czosnek - może być w konski abo plastry i liść laurowy. smażymy ok 3 minuty aż olyj nabiere smaku i zapachu i potym i listek i czosnek wyciągomy
  3. na rozgrzoty olyj ukłodomy plastry kartofla i smażymy jak frytki czyli z jednyj i drugij strony żeby były przipieczone a w środku miynkie
  4. w osobnym gorczku rychtujymy sie jajeczny zoft tzn. wbijomy jajca i je bełtomy, siekomy i dodowomy sznitloch, siekomy i dodowomy koperek i pokroto w kostka tomata - miyszomy delikatnie i na koniec wlywomy tyż śmietonka, trocha soli do smaku i jeszcze roz delikatnie miyszomy
  5. tak przirychtowano miyszanka wlywomy na tygiel ze smażonymi kartoflami i przikrywomy deklym
  6. całość smażymy/duszymy ok 15min, potym dekiel bierymy i smażymy jeszcze 5-7minut aż miyszanka z wiyrchu bydzie ściynto