Ciasto Beatka

SKŁADNIKI:

  • biszkopt jasny i biszkopt ciymny - PRZEPIS

SKŁADNIKI NA MASA BUDYNIOWO:
  • 1l myka
  • 1 szolka cukru
  • 4 łyżki mąki pszynnyj
  • 4 łyżki mąki kartoflanyj
  • 2 żółtka
  • 400g  miynkigo masła

SKŁADNIKI DO DEKORACJI:
  • 0,5kg zielonych winogron bez pestek
  • 2 biksy brzoskwiń w syropie
  • 0,kg truskawek
  • 2 galaretki ze wieprzków (agrestowe) - rozpuszczomy w 700ml wrzątku
  • 2 galaretki truskawkowe - rozpuszczomy w 700ml wrzątku
  • 1 galaretka brzoskwiniowo - rozpuszczomy w 350ml wrzątku

JAK ZROBIĆ?
  1. dziyń pryndzyj piekymy biszkopt jasny i ciymny
  2. odpowiednio wczas rychtujymy galaretki żeby zdążyły wychłodnąć i lekko styngnońć
  3. rychtujymy masa budyniowo tzn. do garca wlywomy połowa mlyka i wsypujymy cukier - zawarzujymy
  4. do reszty mlyka wsypujymy obie mąki i dodowomy żółtka - dokładnie miyszomy i tak przirychtowane wlywomy do warzącego sie mlyka, energicznie miyszomy i warzymy aż zgynstnieje na budyń
  5. zostawiomy do wychłodniyńcio
  6. do miski wciepujymy miynkie masło i poleku, po łyżce wciepujymy zimny budyń i uciyromy tak dugo aż cołki budyń zużyjymy a masa bydzie gładko
  7. zostało nom odcedzić brzoskwinie z syropu i umyć winogrona i truskawki i zabiyromy sie za skłodanie
  8. na spodek dowomy jasny biszkopt i na niego wykłodomy 1/3 masy budyniowyj
  9. bierymy ciymny biszkopt i wykrowomy ciynkom szolkom abo obrynczom równe dziury, te wyciynte krążki ukłodomy na masie budyniowyj
  10. miyndzy te krążki ukłodomy winogrona i zalywomy to galaretkom ze wieprzków i na chwila ważujymy do lodówki żeby nom to stynżało
  11. na wytyngniynte ciasto wykłodomy 1/3 masy budyniowyj i kładymy ciymny biszkopt z dziurami po krążkach a do dziur wrażujymy pokrote brzoskwinie i zalywomy galaretkom brzoskwiniowom i wkłodomy do lodówki
  12. jak stynżee to wyciągomy i wykłodomy ostatnio czyńść masy budyniowyj, na to ukłodomy pokrote truskawki i zalywomy tynżejoncom galaretkom truskawkowom i wrażujymy do lodówki